तिम्रो सिन्दूर सिउँदोभरि सजाएर के भो आखिर,
तिम्रै नामको पाउजू, चुरा बजाएर के भो आखिर?
१
दिलमै बस भन्दा भन्दै तिमी दूर जान्छौ भने,
मैले मात्रै चोखो प्यार लगाएर के भो आखिर?
२
अग्नि साक्षि राखी जोड्या,चोखो नाता तोड्छौ भने,
मैले मात्रै प्रितिका फूल रचाएर के भो आखिर?
३
अपार मायाँ दिँदा दिँदै तिमी पराई बन्छौ भने,
तिम्रै तस्वीर यो दिलभरि टसाँएर के भो आखिर?
४
तिमी सज्ने यो शिरलाईनै लत्याएर जान्छौ भने,
सदा तिम्रो मान,इज्जत बचाएर के भो आखिर?
५
तिम्रो सिन्दूर सिउँदोभरि सजाएर के भो आखिर,
तिम्रै नामको पाउजू, चुरा बजाएर के भो आखिर?
Leave a Comment: