तिमिसङ्ग सारै नै बोल्न मन् थियो,
भर्सक् 'आइ लव् यु' नै भन्ने मन् थियो 
तर तिमि 
काङ्रेस् थियौ कि कम्यूनिस्ट् ? 
नयाँ थियौ कि पुरानो ?
यो थियौ कि त्यो ?
थाहै भएन 
कसरी बोल्नू ?

एका-एक् 
प्रतिपक्षि ठान्यौ भने ? 
दुश्मन् नै ठाँयौ भने ? 
एउटै अक्ष्यरले दशा निम्त्याउन सक्छ ! 
म 'राम्रो' भनौँला 
तिमिले अगाडी 'न' थपेर सुन्यौ भने ?
म तिमिलाइ भाड्काउन चाहन्नथेँ 
तेसैले त केहि बोलिन

सोचेँ- भोलि बोल्छु 
किन कि तिमिलाइ माया गर्छु 
तर भोलि ? 
आज के हौ त्यो त थाहा भएन,
भोलि कता जान्छौ त्यो झन् के थाहा ? 
तिमिसङ्ग केहि भए पो त -
अडीने आधार् !
हो, तिमि रित्तो छौ 
चुहिने छौ 
न केहि छ 
न केहि अड्छ् 
आधारहीन् !

सिद्धन्त, स्वाभिमान्, पहिचान् 
केहि छ तिम्रो ? 
तेसकारण् पनि 
तिम्रो माया लाग्छ

नरिसाउने भए 
तिमिसङ्ग बोल्न मन् छ 
असाध्यै !! 
प्रेमी, 
हे देश प्रेमी !!